General Santos City—padayon karon ang gihimong imbistigasyon sa Police Station 5, kalabutan sa nakaplagang Fragmentation Grenade sapunuan sa kahoy sa may Purok Bio, Barangay Tambler ning dakbayan niadtong nakalabayng adlaw.
Sumala ni Police Sr. Inspector Brent Ian Salazar, Deputy Station Commander sa Police Station 5 nga ila pang ginasuta kung gituyo ug bilin ang maong Granada sa maong lugar.
Kahinumduman nga una nang nakaplagan sa mga nag dulang mga bata ang maong Granada nga gitabunan matud pa ug bato punuan sa kahoy.
Ila kining gidala sa ilang panimalay ug gipakita sa ilang inahan, dihang nakit-an sa ginang nakuyawan ang nahisgutan mao nga gilayon kining mireport sa kapulisan.
Facebook Comments
