*General Santos City——- Gipatawag sa hawanan sa konseho ang kapulisan pinaagi ni Police Senior Superintendent Romeo Ruel Berango, ang OIC City Director sa GenSan City Police Office uban ang walo niini ka mga station kumander.*
*Ang maong pagpatawag ang may kabahin sa operasyon batok STL kon Small Town Lottery nga una ng gipahigayunan ug operasyon sa Police Station 6 sa pagpanguna ni Police Senior Inspector Bryan Salvacion ug Poice Station 4 sa pagpanguna ni Police Chief Inspector Hover Antonio.*
*Kahibaluan nga adlaw’ng byernes dihang nagpahigayon ug operasyon ang maong mga police station nga miresulta sa pag sirado sa mga STL outlet sa dakbayan nga gikalipay ni Kagawad Jeng Gacal apan gilayong nadismaya human sa subling nag-operate gumikan sa mga dokumentong gipakita sa mga personahe sa PCSO.*
*Sumala kang Kagawad Gacal nga dili kinahanglan malibog ang kapulisan gumikan gikinahanglan nga ang ilahang loyalty ang magpabilin sa lokal nga panggamhanan sa dakbayanug dili sa PCSO.*
*Gani pinaagi sa R.A 9649 gikinahanglan matud pa nga mananghid ang PCSO sa Sanguniang Panlungod higayon nga aduna kini ipasulod nga unsa mang operasyon.*
*Samtang sa kabahin ni Police Senior Superintendent Romeo Ruel Berango, gibutyag niini nga ilaha lang ginahimo ang ilahang trabaho ug gumikan sa adunay ginapatuman nga balaud ang Gensan ug aduna usab balaud ang PCSO, wala sila kabalo kung si kinsa ang tumanon rason nga nangayo kini ug pagsabot gikan sa mga opisyal sa dakbayan.*
*Gipanghinaut man usab niya ang maayong koordinasyon sa lokal nga panggamhanan ngadto kaniya aron nga mas mahimong epektibo ang ilahang kampanya batok illegal nga sugal.*
*Gipaklaro man usab ni Atty. Arnel Zapatos, ang City Adminsitrator ning dakbayan nga walay legal battle tali sa lokal nga panggamhanan ug PCSO.*
*Gumikan ginarespeto matud pa sa PCSO ang national nga balaud sa syudad isip chartered city, gani makapilang higayon na silang nagpadala ug suwat sa PCSO aron nga mubisita sa hawanan sa konseho ang ilahang mga legal officer aron usab mapaklaruhan ang mga opsiyal bahin sa operasyon sa STL sa syudad.*
*Apan gibutyag niini nga posibleng nahadlok ang mga opisyal sa PCSO gumikan sa nagpadayong martial law rason nga hangtud sa karon wala pa mibisita sa dakbayan ang mga nahisgutan.*
