Davao City – Kasado na ang pagpatuman sa security measure sa Davao City Police Office alang sa pagbantay sa pagsaulog sa Chinese New year karon Pebrero 15, dungan sa countdown matigayon sa Rizal Park siyudad sa Davao.
Sumala ni Dcpo spokesperson Police Sr.Inspector Ma. Teresita Gaspan hugot nga bantayan ang dakbayan sa Davao sa nagkadaiyang kasikbit nga lugar.
Gidugang niini nga mag butang sila og police assistance desk aron masiguro ug mabantayan ang seguridad sa katawhan panahon sa mga pasundayag sama sa dance competition, dragon dance ug uban pa.
Pahinumdom ni Gaspan sa publiko nga gidili ang pagdala ug mahait nga hinagiban, armas ug gibawal sab ang pagdala ug backpack sa mga katawhan nga mutan- aw sa nagkadaiyang aktibidad.
Gipaabot niini sa mga Dabawenyo nga kanunay mag igmat ug ireport gilayon sa kapulisan kung adunay makit-ang krimen ug suspisyoso nga kalihokan.
RadyoMaN Don Pulayao
