Davao City – Magpakatag ang Police Regional Office XI og mga personahe sa mga sementeryo aron mabantayan ang seguridad sa publiko ug masiguradong walay mass gathering.
Sa interbyu sa DXDC RMN Davao kang PRO XI Spokesperson Police Major Eudisan Gultiano, magpatrolya ang mga pulis sulod og gawas sa mga pampubliko ug pribadong sam-ang sa hugot nga pagpatuman sa health protocols.
“Mayroon tayong mga dinetail na mag-patrolling diyan sa mga sementeryo para ma-see to it na-exercise iyong proper health protocol pagdating sa laban natin sa COVID-19,” sumala ni Gultiano.
Sirado sugod October 29 hangtod November 4, ang mga sementeryo ug colombariums sa Davao City subay sa IATF Resolution No. 72 Series of 2020, apan abli kini kung adunay lubong, birthday celebration sa minatay ug death anniversary o paghinumdum sa minatay. Limitado lang sa 30% capacity ang mga sementeryo.
RadyoMaN Aimee Guinita
