General Santos City—May grupo nang gitutukan ang Lake Sebu Municipal Police Station nga misunog sa backhoe nga iyaha sa Gemma Construction sa Barangay Sitio Lamfenek, Barangay Lamfugon, Lake Sebu niadtong nakalabayng adlaw.
Ginasuta karon sa PNP kung adunay koneksyon ang natigayon nga pagpangsunog sa backhoe ning bag-uhay lang sa gikaingong grupo nga nagapangayo ug revolutionary tax ngadto sa maong kumpanya.
Samtang dismayado usab si Lake Sebu mayor Antonio Fungan sa pagpangsunog ug mga ekwepo sa mga armadong grupo gumikan tungod matud pa niini nalangan ang construction sa dalan nga nagsumpay sa Lake Sebu, Maitum, Sarangani ug Barangay San Jose sa Gensan.
Sumala sa mayor nga inay suportahan unta ang maong poryekto gumikan makatabang kini sa katawhan, ginaharass na nuon sa mga armadong grupo. Panawagan niini sa kapulisan nga unta mapaspasan ang pag-ila sa responsabling grupo aron nga makasuhan.
