General Santos City–Nagpahigayon na ug back tracking ang Police Station 4 ngadto sa Cagayan De Oro City kung asa nagpuyo si Retired Col. Jack Espera, hingkod ang pagidaron kansa una nang gipusil patay sa Motorcycle riding criminals niadtong nakalabayng semana sa may Yumang Street, Barangay City Heights Gensan.
Sumala ni Police Lt. Ben Venuz, Deputy Station Commander sa Police Station 4, nahilambigit matud pa sa treasure hunting ingon man sa pagpamaligya ug taklobo ang biktimang retiradong Sundalo.
Gawas sa negosyo lakip sa ilahang ginatan-aw nga motibo mao ang inggit ug rivalry. Ilaha na usab ginatutukan ang ilhanan sa upat ka mga suspek nga responsable sa krimen ug gikumpirma niini nga aduna na silay person of interest sa maong krimen.
Una nang gimando ni Police Brigader., General Micheal John Dubria nga paspasan ang imbestigasyon sa pagpatay sa maong retiradong Sundalo. (LVR)
