General Santos City–Nagpadayon pa gihapon ang gihimong imbestigasyon sa Polomolok PNP kalabutan sa nahitabo kang Barangay Poblacion, Polomolok, Kagawad Vicente Yungco Jr., kansa gipusil patay sulod mismo sa sakyanan nga gimanehoan niini sa riding in tandem criminals sa may Dahlia Street, Brgy.Poblacion Polomolok niadtong nobyembre 13 ning kasamtangang tuig.
Sumala pa ni Police Lieutenant Marvin Duadua, hepe sa Polomolok PNP nga wala pa silay nakuha nga mga dugang impormasyon kalabutan sa kamatayon sa nasampit nga kagawad gumikan kay ilaha pang ginarespeto ang pamilya nga anaa pa sa kasub-anan.
Gikumpirma usab sa opisyal nga duna silay person of interest apan naglisod pa sila ug tumbok gumikan kay nakasuot ug helmet ang mga criminal ug nakatabon ang mga hitsura niini.
Gitin-aw usab ni Duadua nga sa pagkakaron dili pa gayud nila ma-establish ang motibo sa pagpatay kang Kagawad Yungco apan asoy pa niini nga usa sa gilantaw nila nga anggulo kadtong nahitabo sa iyang anak sa vehicular accident kung asa nasumbagan matud pa sa nasampit nga kagawad ang driver nga gituohang maoy nakabangga sa anak niini ayha pa kini gipusil patay.
