Kapulisan may suspek na sa pagpatay sa mayor sa Sto Niño

17

General Santos City–Gikabutyag ni South Cotabato PNP provincial Director Police Colonel Jimuel Siason nga ilaha ng napasakaan ug kaso ang na-ilhan nga suspek nga maoy gitudlo sa mga witness nga mipusil patay kang Sto. Niño Municipal Mayor Pablo Matinong niadtong nakalabay nga adlaw’ng Byernes sa buntag.

Sumala pa ni Siason nga sa pagkakarun dili pa nila mabutayag sa kahanginan ang pangalan sa suspek gumikan kay nagpadayon pa ang ilahang imbestigasyon.


Gani sumala pa niini nga anaa na sa prosecution ang maong kaso ug ginahulat na lamang nila ang kalambuan sa kaso nga ilang gipasang-at batok sa suspek.

Dugang pagbutyag sa opisyal nga dunay Warrant Of Arrest ang suspek ug usa usab kini ka miyembro sa gun for hire. Samtang ginasuta sa kapulisan kung si kinsa ang nagsugo o nagpaluyo sa pagpatay kang Mayor Matinong.

Sa karun personal grudge ang usa sa dakong motibo ang ginalantaw sa kapulisan gumikan kay ayha pa namatay ang Mayor duna na kini nadawat nga bahad sa kinabuhi.

Apan gipaklaro niini nga wala pa silay kasayuran kung duna bay kalambigitan ang kamatayon sa Mayor sa pagka-apil niiini sa listahan ni PRRD.

Kahibaloan nga una ng gipusil patay si Mayor Matinong sa riding in tandem criminal dihang gisusi niini ang proyekto nga haduol lamang sa brgy. hall sa Brgy. Poblacion nga walay kaubang body guard niadtong higayona.(RV)




Facebook Comments