Barangay Kagawad gisurender ang iyang armas nga expired ang dukumento

General Santos City–GIPAKLARO ni Barangay Labangal kagawad Reynaldo Clapiz nga walay search warrant nga gipatuman sa iyang panimalay sukwahe sa mga nanggawas nga report nga siya giakop gumikan sa iligal nga armas.

Sumala sa Barangay Kagawad atol sa pakighinabi kaniya sa RMN News Team, nga wala siya gisikop inay, iyang gisurender matud pa ang iyang pusil nga expired na ang dukumento.

Giangkon sa opisyal mga usa siya sa mga gipadad-an ug notice sa kapulisan human nga na-expire na ang iyang permit to carry Firearms ug lain pang dukumento sa armas mao nga iya nalang gisurender sa kapulisan.


Dugang pagbutyag sa Barangay kagawad nga adunay lisensya ang maong pusil apan tuig 2017 pa kini na expire.

Isip barangay kagawad, buot niya nga siya mahimong sumbanan sa ubang naghupot ug armas nga expired ang dukumento mao nga iya nalang gitahan ang iyang pusil.
Samtang panawagan ni Clapiz ngadto sa mga naghupot ug armas nga walay dukumento nga i-surender nalang kini sa kapulisan.

Dili na angayang huwaton pang ipailawom sila sa search warrant operation tungod posibleng mas modako unya ang ilang problema kung sila masikop.

Facebook Comments