General Santos City— Aduna nay ginatutukan nga suspek ang kapulisan sa pagpusil patay kang PO3 Joseph Pequirda nga intel operative sa City Mobile Force Company (CMFC).
Sumala kang Police Senior Superintendent Raul Supiter, City Director sa Gensan City Police Office nga adunay daghang accomlishement si PO3 Pequirda rason nga posibleng tungod sa trabaho ang hinungdan sa pagpatay kaniya.
Sa karon matud pa aduna na silay ginahimong follow-up ngadto sa suspek aron nga nadakpan ug mahatagan ug hustisya ang biktima.
Dugang pamahayag ni PSSupt. Supiter nga subay sa imbestigasyon, nakaangkas sa usa ka motorsiklo si PO3 Pequirda dihang kini gipusil sa mga suspek nga riding in tandem.
Nag-pahimangno man usab kini ngadto sa tanang pulis sa dakbayan nga magdoble sa pagbantay sa ilahang siguridad gumikan sa mga bahad sa ilahang kinabuhi.
Nanawagan man usab kini ngadto sa mga posibleng testigo nga nakakita sa pagpamusil nga makig-alayon kanila aron sa mas daling pagsulbad sa krimen.
