Sa interview ngadto kang PLtCol. Julius Clark Macariola, Hepe sa kapulisan sa Malaybalay, gibutyag niya sa karon, naa na silay lead sa maong insidente diin usa ra matud pa ka indibidwal ang responsable sa krimen.
Dugang pa nga anaa matud pay grupo usab nga nagpaluyo niini diin naila na ang ilang lider apan sa karon padayon pang ginasuta sa kapulisan ang mga pangalan sa mga posibleng suspek.
Gahimo na matud pa og follow-up investigation ang kapulisan kabahin niini ug monitoring alang sa paspas nga pagsulbad sa kaso.
Dugang pa ni LtCol. Macariola nga nakigkoordinar na sila sa mga pribadong kompanya aron nga makatabang usab pagsulbad sa krimen.
Pipila usab matud pa sa mga posibleng suspek ang mulopyo ra sa maong barangay.
Ginahulatan nalang sumala pa ni LtCol. Macariola ang konkretong ebidensya nga maglink sa mga suspek ngadto sa krimen.
Sa karon, midesignar na siya og mga personahe sa Intelligence Unit aron nga padayong magmonitor sa insidente aron nga paspas masikop ang mga posibleng suspek niini.
