Pagadian City – Nalipay ang 200 ka Estudyante sa Balintawak Elementary School human nakadawat ug regalo gikan sa Tropa sa Kapolisan sa Regional Public Safety Battalion (RPSB) – Manuevering Company nga nakadestino sa Zamboanga del Sur.
Sulod sa maong regalo ang mga dunalaan, ug mga pagkaon, sa wala pa nila gihatag gilingaw sa mga Kapolisan ang mga bata pinaagi sa paghatag ug parlor games ug mipakita usab sila sa ilang tinaguang mga talento sama sa pagsayaw.
Makita sa hulagway sa mga kabataan ang kalipay human nga nadawat nila ang maong regalo gikan sa mga santa-Pulis.
Kini nga aktibidad kabahin sa binulan nga Police Community Relation Activity sa RPSB aron ipakita sa katawhan nga ang Kapulisan dili lang experto sa pag pabantay sa kahapsay ug kalinaw apan naghatag usab silag pagtagad sa mga social services alang sa mga kabataan sama na lamang sa ilang gihimo nga monthly feeding program, paghatag ug mga school supplies ug pag responde sa mga kalamidad.
