Gin-ako sang more power nga isa sa nakita nila nga problema amo ang pag-operate sang technology sang panay electric company kun i-take over nila ini sa ti-on sang transition period.
Suno kay Mr. Roel Castro, president sang more power nakita nila ini nga problema gani ila man ini nga handaan.
Pasalig ni Castro indi naman ini mangin problema bangud may mga tawo man sang PECO nga ila i-absorb kun pakamaayuhon sang mga ini.
Samtang gin-athag ni Castro nga indi sila makahatag sang fixed nga pahayag kaangay sang rates kag kalawigon sang transisyon.
Ini bangud nga tubtob nga wala pa sila sang franchise nga napirmahan ni Pres. Duterte indi pa sila sigurado kun maaprubahan gid man ini.
Subong man pasalig ni castro ginahandaan na nila ini agud mangin matalunsay lang ang transition period.
