Nakakuha sa Very Satisfactory Rating ang mga responding police officers ning syudad atol sa ilang gipahigayon nga Bomb drill atbang sa City hall kagahapon sa hapon.
Matud ni Supt. Robert Delos Reyes, Hepe sa Operations and Plans Branch sa Cagayan de Oro City Police Office nga pasado ang grado sa mga elemento sa Explosive Ordnance Division ug tanang police units ning syudad sa ilang pagresponde sa gihimong Bomb drill.
Gibutyag ni Delos Reyes nga lakip sa miresponde sa maong bomb drill ang mga sakop sa Bureau of Fire Protection, Oro Rescue ug Roads and Traffic Administration kon RTA.
Matud ni Reyes nga nakabaton na sa katakos ug kaabtik ang mga otoridad sa ilang pagresponde kon dunay tinood nga bomba nga moboto sa Cagayan de Oro.
Giklaro ni Reyes nga ilang gihimo ang maong bomb drill dili tungod kay gibombahan ang Jolo, Sulu.
