Pagadian City – Danlog sama sa kasili ang lalaki nga suspetsado sa pagpangluba nga nahitabo alas 3:30 kagahapon sa hapon dihang dapita bugasan nga bahin sa sulod mismo sa Agora Public Market ning syudad sa Pagadian.
Sa kasayuran nga gitunol sa Pagadian City Police Station sa RMN DXPR Newsteam nagdagan matud pa ang suspek nga nagsoot og color orange nga t-shirt dihang pagawas na sa merkado publiko paingon sa gate 11 human ang pagpangluba.
Nagtaroy pa sa wala nga bahin sa ilok sa biktimang si Rosita Laboan Mohammad ang kutsilyo dihang gibyaan sa suspetsado.
Nasayran nga ang 56-anyos nga biktima ukay-ukay vendor naglingkod lamang og kalit nga gidungab sa wala mailang suspetsado.
Naglusad pa sa makuti nga imbestigasyon ang kapulisan alang sa posible nga pagsikop sa suspetsado.
