Ang kapulisan karon dinhi sa probinsya sa Zamboanga del norte naghimo na ug inisyatibo may kalabutan kun unsaon pagpakgang ang padayong pagkuyanap sa Corona Virus-2019 dinhi sa tibuok nasud sa Pilipinas.
Kagahapon ang kapulisan sa matag lungsod sakop ning probinsya, samtang nahimo ug mga checkpoint diha sa kadalanan nanghatag usab sila ug mga flyers sa mga motorista kun unsaon paglikay aron dili motakboy ang mao nga virus.
Diri sa Zamboanga del norte PUM lamang ang natala sa mga health personnel ug wala pa’y bisan usa nga nagpositibo sa COVID-19, sukwahi sa gipakatap diha sa social media.
Nagpahinumdom usab ang mga kapulisan pinaagi sa pagpangulo ni Provincial director PLTCOL Ronal Briones ngadto sa mga mahilig ug facebook nga dili basta-basta mopakatap ug dili beripikadong impormasyon aron dili makahatag ug kabalaka ngadto sa kadaghanan.
Ang si kinsa man mapamatud-an nga nagpataka ug pakatap sa dili tinuod nga mga balita posibleng makasuhan.
Samtang pabailin usab nga malinawon ang probinsya walay mga dagkong kremin nga natala diha sa buhatan sa kapulisan posible matod pa kini nga wala na kaayo’y magsuroy-suroy tungod sa kahadlok sa gikalisangan nga corona virus-2019.
