Ang probinsya sa Zamboanga del norte negatibo pa gihapon sa sakit nga COVID-19 nga maoy gikahadlokan sa katawhan dili lang diri sa probinsya kun dili lukop sa tibuok kalibutan
Kagahapon nagpagawas na ug kamanduan ang lokal nga opisyal ning syudad sa Dipolog ug sa probinsya sa pag suspended sa mga aktibidad diha sa mga publiko.
Gidili una ang paghimo ug mga social event sama sa pag adto sa bulangan mga meeting gani ang State of the City Adress (SOCA) ug State of the province address (SOPA) himoon nalang pinaagi sap ag televised nga Makita diha sa local cable channel ning dakbayan.
Giawhag usab nga likayan una ang paghimo ug mass gathering o pagtapok-tapok sa pampublikong lugar sa mga relihiyosong pundok.
Kalabot niini, gibutyag usab sa kapulisan ning probinsya nga andam silang mo tabang kun ugaling manduan sila sa paghimo ug mga precautionary measure diha sa kadalanan sama sa paghimo ug checkpoint.
Sa karon, walay mando nga maglockdown dinhi sa probinsya ang bugtong himoon lang sa kapulisan mao ang pagmonitor diha sa ilang tagsa-tagsa ka mga AOR aron mamntinar ang kahapsay ug kalinaw.
