General Santos City–Hugot karon nga nakig alayon ang General Santos City Police Office sa kasundaluhan ug uban pang intelligence unit kabahin sa lihok sa terorestang New People’s Army sa ilahang nagkaduol nga anibersaryo karong bulan sa Disyembre.
Sumala pa ni Police Major Rexor Canoy ang tigpamaba sa General Santos City Police Office nga wala nila ginapa-ubsan ang ilahang alerto sa matag karon ug unya aron nga dili malutsan sa mga binuhatan sa mga NPA.
Dugang pa niini nga kada tuig nila nga ginapangandaman ang selebrasyon sa teroristang grupo tungod nasayud sila nga panahon nga duol na ang anibersaryo sa walhong pundok, nagahimo sila ug mga kalihukan sama sa pagpangilkil ug kwarta aron makalikom ug pundo ingon man mga tactical operation sa kabukiran aron nga aduna silay mareport nga accomplishment sa ilahang mga tag-as nga opisyal.(Dave Silagan)
