ILIGAN CITY- Aminado si PNP City Director Police Senior Superintendent Leony Roy Ga nga misi-aw na usab ug balik ang mga gapayuhot sa illegal nga druga sa dakbayan sa iligan.
Gani, suportado niini ang lakang karon ni PNP Chief Director General Ronald Bato Dela Rosa sa paghangyo ngadto ni Presidente Rodrigo Duterte nga ibalik kanilang mga sakop sa kapulisan ang operation batok sa illegal nga druga.
Matud ni Ga, aduna na untay mga barangay sa iligan ang nadeklarang drug free sa mga police precinct nga anaa sa ilang area of responsibility apan sa pagkakaron daw sa mibalik ang mga gapayuhot niini.
Nagtoo usab si Ga nga kulang pa ang pwersa sa Philippine Drugs Enforcement Agency kun PDEA kun sila lang ang hatagan ug pagtugot nga mosumpo o mohimo ug operation batok sa illegal nga druga.
Alang kang Ga, daku pa gihapon ug tabang ang kapulisan aron hingpit nang mahunong ang padayon nga problema karon sa nasud nga mao ang illegal nga druga.
Facebook Comments
