Kapulisan sa Iligan mipasalig nga padayon nilang pahugtan ang pagpatuman sa seguridad sa syudad

35

Gipasalig ni PNP City Director Police Col. Michael Pareja nga dili sila mohunong sa paghatag sa hugot nga seguridad dinhi sa dakbayan sa iligan ilabi na nga wala nay gipatuman nga curfew hour.  

Matud ni Pareja sa launching sa Iligan Week of Peace nga usa sa ilang dakung responsibilidad mao ang pagprotektar sa katawhang iliganon hinungdan nga angayan lamang ang ilang hugot nga pagbantay.  
Gibutyag ni Pareja, dali lang ang pagsumpo sa bisan unsa mang matang sa kremin kun anaa ang kooperasyon sa katawhan sa pagpatuman sa seguridad sa kapulisan.  


Busa tungod niini, nanghinaut si Pareja nga ihatag sa katawhang iliganon ang ilang kooperasyon aron pagkab-ot sa maayong dagan sa kahusay ug kalinaw dinhi sa dakbayan sa iligan.

Facebook Comments