Patay diha-diha ang biktima human kini gipusil sa makadaghan nga higayon sa wala mailang mga armadong lalaki didto sa mya Sitio Paningala, Brgy. New Salvacion, Labason sakop ning probinsya.
Naila ang biktima nga si Marlon Cubi, 26 anyos nagpuyo sa nahisgutan nga dapit kinsa gipusil sa wala mailang armado nga naka jacket ug naka tabon sa ilang mga nawong.
Sa resulta sa imbistigasyon ni SPO2 Pepito Palabrica, gisaysay sa live-in partner sa biktima nga si Mary grace Mendoza nga anaa sila sa ilang panimalay niadtong higayona sa dihang kalit lang miaabot ang duha ka mga lalaki ang usa niini mipusil sa makadaghan nga higayon ug maayong pagkaigo sa walang bahin sa ulo niini ug milusot pa kini sa agtang ang bala.
Wala na madala pa sa balay tambalanan human kini diretsong gibawian sa iyang hinulamang kinabuhi.
Padayon pa karon ang gihimong imbistigasyon sa Labason pnp aron masayran ang tinuod nga hinungdan sa pagpusil patay sa biktima ug aron maila ang mga responsible.
