General Santos City— Manghatag ug bulak ang kapulisan sa rehiyon sa katawhan dungan sa pagsaulog sa adlaw sa kasing-kasing karong adlawa kung asa lakip matud pa kini sa linyada sa ilahang aktibidad sa tibuok tuig.
Sumala kang Police Superintendnet Aldrin Gonzales, tigpamaba sa Police Regional Office 12 ipakatag ang mga pulis sa mga lugar sama sa general Santos City International Airport kung asa mga personahe sa regional headquarters ang manghatag ug bulak.
Samtang sa dakbayan sa Gensan, mga personahe sa GSCPO maoy manghatag sa mga pasahero sa bulaong terminal, aduna usba pagahimuon nga programa sa bahay pag-asa kung asa anaa ang mga drug surrenderee.
Dugang pamahayag ni PSupt. Gonzales nga ang pagpanghatag ug bulak ang himuong sa tibuok rehiyon sulod sa usa ka adlaw kung asa kini ang ilahang pamaagi aron nga mapabati ang ilahang pagmahal sa katawhan.
Bag-o matud pa kini nga programa sa PRO12 ung asa gi-aprubnahan kini sa national headquarters. Apan gipaklaro niini nga matag tuig adunay managlahing aktibidad ang kapulisan nga ginahimo aron sa pagselebrar sa adlaw sa mga kasing-kasing.
Samtang nakatakda matud pang makig-alayon ang kapulisan ngadto sa mga security guard sa mga lodging house ug hotel aron nga masigurong walay menor de edad nga makasulod.
Nakig-alayon na usab sila ngadto sa DSWD aron nga higayon nga adunay ga menor de edad nga musuway ug sulod, kabalo na sila sa mga angayang himuon.
Ilaha na matud pa kining itugyan sa DSWD aron nga dili masultiang hilabtanon ang kapulisan.
