General Santos City— Nagmugna na ug Special Investigation Task Group Gina ang Sultan Kudarat Provincial Police Office human ang nahitabong pagbusikad sa duha ka granada sa may Villa Garde, National Highway, Tacurong.
Sumala kang Police Senior Superintendent Raul Supiter, Provincial Director sa padayon ang ginahimong imbestigasyon sa maong kaso kung asa aduna na silay ginakonsidera nga person of interest.
Nagpahigayon na usab sila ug case conference sulod sa duha ka adlaw kung asa mismong si Police Chief Superintendent Marcelo Morales, ang Regional Director sa Police Regional Office 12 maoy nanguna.
Gikumpirma man usab ni Col. Supiter nga duha na ang naitalang patay sa maong pagbusikad kung asa naunang namatay mao si Dominador Datahan nga usa ka CVO.
Samtang ang ikaduhang namatay mao si Suharto Ali nga namatay human ang gipahigayunan ug operasyon. Samtang gibutyag niini nga gikan sa mga samdan, pito nalang ang nagpabilin sa balay tambalanan nga padayong nagpaalim sa mga samad nga naangkon.
