Bisan paman nga natapos na ang piniliay sa Barangay and Sk Election 2018 apan ang kapulisan dinhi sa probinsya Zamboanga del norte padayon ang ilang pagka alerto ug pagtukaw sulod sa 24 oras aron sa pagbantay sa kahapsay ug kalinaw ning probinsya.
Gani una namang gikabutyag ni PSupt. Darwin Sac Rafer hepe ning syudad nga hapsay ug malinawon ang barangay and SK election.
Hinungdan nga padayon karon sila sa ilang gimbuhaton may kalabot kini sa pipila nalang kaadlaw nga nahabilin sa Summer Vacation (SUMVAC) aron luwas ang mga bisita mga mo ari sa probinsya sa Zamboanga del norte.
Ga awhag usab karon si Acting Zamboanga del norte Provincial Director PSSUPT Michael B. Macapagal nga dili magpanuko ang katawhan sa pagsumbong sa mga tinugyanan sa balaod kun adunay mga kadudahang tawo nga mo sulod ug gawas dinhi sa syudad sa Dipolog o bisan paman sa tibuok probinsya sa Zamboanga del norte.
Sa laing bahin, daghang mga aktibibdad ang nakahan-ay karon sa probinsya alayon kini sa kasaulogan sa P’gsalabuk Festival, lauman nga daghang mga mo langyaw aron mo saksi sa mga talagsaong aktibidad nga giandam sa kagamhanang probinsyal ug kini usab karon ang tutokan sa kapulisan ilabi na sa kagabhion tungod kay daghan ang mga nibisita gikan pa sa laing lugar.
Dakong hagit kini karon sa PNP Zamboanga del norte nga ilang mapatuman ang kahapsay ug kalinaw atol sa kasaulogan sa P’gsalabuk Festival nga anaa na kini sa ika 66 katuig gikan sa pagkahimugso sa Zamboanga del norte.
