Karong semanaha magsugod na ang Oplan tokhang sa mga kapulisan sa tibuok nasud sa Pilinas ngadto sa mga indibidwal nga nalambigit sa guinadili nga droga.
Ang kapulisan sa Zamboanga del norte sa Pagpangulo ni Provincial director PSUPT Raul Tacaca nagsugod na usab sa ilang trabaho sa pagpahigayon ug Oplan Tokhang ug Oplan Taphang ngadto sa mga matag indibidwal nga ilang gina monitor sa pagkakaron.
Kahinumduman nga ang Oplan tokhang kaniadto, tuktokon sa mga kapulisan ang panimalay sa mga nalambit sa Droga dayon hangyoon nga mo undang na sa maong bisyo.
Apan sa bag-ong guidelines karon sa PNP dili lang mga drug user ug drug pusher ang paga tuktokon sa kapulisan sa ilang ipahigayon nga Tokhang kundili lakip na ang mga katawhan nga walay kalambigitan sa droga, kini ang gibutyag ni Kernel Edwin Recamara ang incharge sa war on drugs operation.
Gidugang pa ni kernel Recamara nga padayon nilang gina monitor karon ang kapin sa 400 ka mga indibidwal may kalambigitan pa gihapon sa droga dinhi sa tibuok Zambonga del norte.
Usa usab sa iyang na obsebahan nga ang mga nitahan na kaniadto sa ilang kaugalingon ug mi saad nga mo biya na sa pag gamit sa droga, apan karon padayon gihapon ilang pagkalambit sa droga matod pa ni kernel Recamara.
