Dili palang dugay subli na usab nga gihatagan ug donasyon ang lungsod sa Sirawai pinaagi kini sa mga kapulisan sa Zamboang del norte Police Provincial Office sa pagpanguna ni Provincial Director PS/SUPT Raul M. Tacaca
Mainiton usab kining gisugat ug gidawat ni Sirawai Mayor Gamar Jahinim ang grupo ni Provincial Director Tacaca nga nagdala ug mga hinabang sama sa mga sanina, dulaan sa mga bata ug mga pagkaon nga para sa mga biktima sa bagyong Vinta niadtong nakalabayng Disyembre tuig 2017.
Sa maong kalihukan atoa usab ang presensya sa kapulisan sa Sirawai sa pagpanguna sa ilang OIC Chief of Police Pocholo Guerrero aron pagtabang sa pagpang apod-apod sa mga hinabang.
Kahinumduman nga ang Sirawai ug mga kasikbit nga kalungsuran ang grabeng giigo usab sa bagyong vinta dala ang makusog nga baha. Hinungdan nga daghang mga reisdente ang naapektuhan sa maong kalamidad.
Gani lakip man nga mitunol ug hinabang ang RMN DXDR Dipolog uban sa mga nagpakabang lungsuranon dinhi sa atong probinsya ngadto sa mga nabiktima sa bagyo.
Dako usab ang pasalamat sa mga Sirawainon ngadto sa ilang Mayor ug sa mga katawhan nga mitabang kanila.
Human sa ilang programa, nag andam ang LGU Sirawai ug gamay nga Salo-salo para sa mga kapulisan.
