General Santos City—Gikabutyag karon ni Police Chief Supt. Ceddric Train, PNP Regional Director sa Police Regional Office-12 nga luyo sa pagtangtang ni Pangulong Rodrigo Duterte sa gahum sa kapulisan sa pagpanakop sa lambigit sa iligal nga droga andam gihapon sila nga mutabang ug muhatag ug suporta sa kampanya batok droga sa Philippine Drug Enforcement Agency (PDEA)
Sumala pa ni Gen. train nga tungod sa kakulangon sa mga personahe sa PDEA dili nila mahap-an ang tanang trabaho hinungdan nga andam nga mutabang ang PNP sama na lamang sa paghatag kanila ug intelligence information nga mamahimo nilang magamit sa ilang operasyon.
Aminado usab si Gen.Train nga karon nga wala na sa ilang tahas ang kampanya batok droga, hingpit na gyud nga maka-focus ang PNP sa ilang trabaho hilabi na sa pagsumpo sa kriminalidad sa ilang matag area of responsibility sama nalang niining hilabihang paggara sa mga motorcycle riding criminals. (Dave Silagan)
