Davao City- Gihagit sa Los Amigos Tugbok District Barangay Kapitan ang militar ug kapolisan nga magtinarong na sa ilang pagserbisyo ug dili molambigit sa bisan unsang iligal nga kalihukan, human gisaad ni presidente Rodrigo Duterte nga sugod karong Enero tuig 2018, doblado na ang ilang sweldo.
Sumala ni Barangay Captain Angelico Santander, angayan lang nga patas-an ang ilang sweldo tungod kay sila ang naghatag og seguridad ug nagprotekta sa katawhan batok sa bisan unsang mga kasamok ug pagpangataki.
Sa pikas bahin, pabor si Los Amigos Tugbok District Barangay Kapitan Angelico Santander sa bisan unsang matang sa kampanya batok gidiling droga basta makaayo sa tanan.
Sumala ni Kapitan Santander, ang giingong drug drop box nga kampanya duna siyay kabalaka nga basin og gamiton kini nga isyu sa mga kalaban sa administrasyon aron madaut ang maayong tumong.
Nabalaka si Kapitan Santander nga basin ang mga pangalan nga isulod niini, kadtong mga kalaban sa politika.
RadyoMan Bernard Pantallon
