Alas-7:02 ngayong gabi, lumapag sa NAIA-2 ang Philippine Airlines (PAL) flight PR359 sakay ang karagdagang isang milyong doses ng Sinovac vaccines.
Ang naturang mga bakuna ay binili pa rin ng pamahalaan ng Pilipinas sa China.
Bago mag alas-3:00 kaninang hapon, umalis ng Beijing Airport ang Airbus 330 ng PAL sakay ang Sinovac vaccines.
Ito ang ika-21 batch ng Sinovac vaccines na dumating sa bansa kabilang na ang isang milyong doses na donasyon ng China.
Una nang nanindigan ang pamahalaan na tuloy ang bakunahan kahit sa panahon ng Enhanced Community Quarantine (ECQ).
Facebook Comments
