Karagdagang mga bangka para sa mga mangingisdang binagyo sa Bicol, inihatid na ng PCG

94

Ikinarga na sa barko ng Philippine Coast Guard (PCG) ang karagdagang mga bangkang pangisda para sa mga mangingisdang naapektuhan ng sunod-sunod na bagyo sa Bicol Region.

20 fiberglass boat mula sa Bureau of Fisheries and Aquatic Resources (BFAR) Region VIII ang isinakay sa BRP Lapu-Lapu ng PCG.


Bukod pa ito sa 50 fiberglass boats na una nang ipinagkaloob sa mga mangingisda sa Bicol Region.

Bukod sa mga fiberglass boats, isinakay rin sa BRP Lapu-Lapu ang mga relief supplies ng Coast Guard Eastern Visayas mula sa donasyon ng mga pribadong indibidwal at organisasyon.

Manggagaling ang BRP Lapu-Lapu sa Tacloban Port sa Leyte at bibiyahe ito papuntang Tabaco Port sa Albay kung saan tatanggapin ng BFAR – Region V ang mga bangka para maipamahagi sa mga apektadong mangingisda sa lugar.

Facebook Comments