Aprubado na ang bag-ong minimum wage sa Zamboanga Peninsula Region kaniadto pang Hunyo 29, ning tuiga didto sa may dakbayan sa Zamboanga pinirmahan ni Regional Director, DOLE IX Ofelia B. Domingo, CESO III.
Ang Regional Tripartite Wage and Productivity Board-Region IX (RTWPB-IX) nagmando ilawom sa R.A 6727 otherwise known as “The Wage Rationalization Act of 1989” nga sundon ang applicable minimum nga suhulan sa mga mamumuo sa pribadong establisemento dinhi sa rehiyon. May kalabot usab kini sa National Wage Productivity Commission (NWPC).
Nakahukom ang Regional Tripartite Wage and Productivity Board-Region IX (RTWPB-IX) nga tan-awon pag balik ang Wage order No. RIX-19(W.O No. 19) nga gipatuman sukap ka niadtong Oktubre 1, 2016.
Kahinumduman nga ang DOLE naghimo ug konsultasyon sa matag probinsay dinhi sa ZamPen nagsugod sa may dakbayan sa Zamboanga niadtong Pebrero 20, 2018, gisundan kini sa Isabela City niadtong Marso 12, 2018, Ipil, Zamboanga Sibugay, Marso 13, 2018, Pagadian City, Zamboanga Del Sur, Marso 14, 2018, ug dinhi sa Dipolog City, Zamboanga Del Norte kaniadtong Marso 15, 2018 ug ang regionwide public hearing didto kini gihimo sa dakbayan sa Zamboanga niadtong Hunyo 14, 2018, aron ma determinar kun angayan ba nga usbon ang wage rate sa (W.O no.19).
Human sa gihimo nga public consultation ug pagdungog sa maong hilisgutanan, pinaagi na usab sa assessmentsa socio-economic condition sa rehiyon, partikular sa Consumer Prize Index, Erosion of Purchasing Power sa Peso, ug Poverty Treshold Level, ang board naka desisyon nga kinahanglan pa usbawan ang suhulan sa Zamboanga Peninsula.
Ilawom sa gahum sa R.A 6727, ang Regional Tripartite Wage and Productivity Board-Region IX (RTWPB-IX) nag isyo ug Wage Order No. RIX-20.
Mao na kini karon ang sundon nga suhulan human adunay dugang pag-usbaw nga P20.00.
Para sa Non Agricultural gilangkuban kini sa Private Hopistal, Educational institution, Security & Janitorial services, Retail/service establishement gikan sa suholan nga P296.00 mamahimo na kining P316.00.
Samtang para sa Agricultural establishment & micro-enterprises gikan sa suholan nga 283 mamahimo na kining P303.00
Ang mao nga wage rate magamit kini sa tanang wage earner sa mga pribadong sector bisan paman unsa ang posisyon o trabaho.
Kini nga wage order walay labot niini ang Kasambahay/domestic worker, kina-ugalingong trabaho, mga workers nga rehistrado sa Barangay Micro Business Enterprise (BMSEs) nga ge sertipikahan ilawom sa R.A 9178.
Gipahinumduman usab kun si kinsa kadtong dili mosunod sa maong mando gilayong itaho ngadto sa DOLE9/RTWPB, compartment 2-F HC Marketing, Camins Ave. Zamboanga City o dib a kaha sa pinakaduol nga DOLE Office.
Epektibo kini nga kamanduoan karong Hulyo 30, 2018 human gimantala niadtong Hulyo 15, 2018 sa Zamboanga Time ug Mindanao Observer.
