General Santos City—Balhog na karon sa silda sa Police Station 5 ang usa ka karpentero human nasikop sa gipahigayong buy-bust operation sa operatiba sa City Police Drug Enforcement Unit (CPDEU) kilid nga bahin sa usa ka iladong kan-anan nga nahimutang sa Calumpang, Highway, Gensan alas 10:18 ang takna sa gabie.
Giila ang suspek nga si Joel Abenson, 40, residenti sa Purok 11-C, Barangay Fatima, Gensan.
Nasayran nga napalitan ug (1) ka sachet sa gituohang shabu ang suspetsado gamit ang P500.00 nga marked money.
Kasong kalapasan sa RA 9165 ang gikatakdang ipasang-at nga kaso sa CPDEU batok sa suspek karong adlawa.
Facebook Comments
