*Angadanan, Isabela- *Timbog ang isang karpentero matapos mahulog sa ikinasang drug buy bust operation ng mga otoridad bandang alas otso kaninang umaga sa Brgy. Calaccab, Angadanan, Isabela.
Kinilala ang nadakip na si Felix Bert Gaygay Labuguen, kwarentay tres anyos, isang karpentero at residente ng brgy. Loria, Angadanan, Isabela.
Sa nakuhang kaalaman ng RMN Cauayan, nadakip si Felix matapos bentahan ng droga ang isang police poseur buyer at nasamsam pa mula sa pag-iingat ng suspek ang tatlong sachet ng hinihinalang shabu at ang dalawang tig limang daang marked money.
Dinala na sa PNP Angadanan ang suspek at nakatakdang isailalim sa inquest proceedings habang dinala naman sa Crime lab ang mga nakumpiskang droga.
Facebook Comments
