Davao City – Sikop sa kapolisan sa Sta Ana ang usa ka karpentero human nakuhaan og shabu atol sa gilusad nga buy bust operation kauban ang Station Drug Enforcement Unit ug PDEA XI alas 5:40 sa kahaponon didto sa Purok 1- B Bucana Barangay 76-A syudad sa Davao.
Subay sa report gikan sa Sta Ana PNP naila sa ang dinakpan nga usa ka Moktadir Kamsi Alyas Tadir, 28 anyos nagpuyo sa nasangpit nga lugar.
Matud pa gidakop ang maong suspek human kini napalitan og shabu sa kantidad nga 500.00 pesos.
Narekober gikan sa dinakpan ang duha ka elongated heat sealed transparent plastic sachet ug usa ka big size rectangular shape heat sealed transparent plastic sachet nga gituohang shabu lakip nakompiska ang mga drug paraphernalia.
Ang dinakpan nga si Tadir balhug na sa Sta Ana Pnp ug gihikay na sa kapolisan ang kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
