Sarangani Province–Aprobado niaging adlaw nga Martes sa sesyon sa Sangguniang Panlalawigan ang giduso ni Board Member Hermie Galzote, chairman sa komitiba sa legal matters, nga resolusyon aron tagaan og pagtugot si Governor Steve Chiongbian Solon nga pirmahan ang kasabutan tali sa donor nga Latter-Day Saints Charities aron iapud-apod libre ang 900 kabuok prescription glasses og 1,000 kabuok reading eye glasses mukantidad kini tanan og hapit Six Hundred Thousand Pesos (P600k).
Sama sa nahitabo niagi, suruyon na usab sa Serbisyong Sarangan Community Outreach Program ubos sa opisina sa gobernador ang mga komunidad para sa mga katigulangan nga naglisod ng makakita, og sa mga eskwelahan nga maka-benipisyo ang ilang mga estudyante sa maong mga antipara, prayoridad kadtong dili makapalit sa maong mga kagamitan. Ang prescription eye glass pa lang ang anaa pud kini sa dul-an P600 ang balor kung paliton sa gawas.
Gawas niini, gitagaan pud og pagtugot si Governor Solon aron pirmahan ang laing kasabutan sa Latter-Day Saints Charities matagaan og 700 kabuok livelihood starter kit ang mga PWDs kon persons with disabilities mukantidad kini tanan og sobra P1 Milyon ka pesos. Kabahin kini sa padayon nga tinguha ni Governor Solon nga matagaan og panginabuhian ang mga PWD sa Sarangani Province.
