Roxas City, Capiz- Gina-obserbar subong nga semana ang “National Disability Prevention and Rehabilitation (NDPR) Week” sa bilog nga pungsod Pilipinas.
May kaangut sini, pila ka mga aktibidades subong nga adlaw ang natalana nga igapatigayon may kaangot sa amo nga selebrasyon.
May yara sang motorcade, misa kag programa sa may bahin sang Robinsons Place sa Pueblo de Panay Brgy. Lawaan.
Sa matandaan sang Agosto 19, 2000, ginpirmahan ang Proclamation No. 361 nga naga-deklarar sang ikatlo nga semana kada bulan sang Hulyo tagsa ka tuig bilang “National Disability Prevention and Rehabilitation (NDPR) Week”. Katuyoan sini agud nga mapasangkad ang ihibalo sa mga problema sa disability, kinamatarong sang mga PWDs kag agud nga mahatagan ang mga ini sang programa para nga mangin produktibo nga sektor ang ila grupo.
Ang subong nga National Disability Prevention and Rehabilitation(NDPR) Week ang may yara sang tema nga “Kakayahan at Kasanayan Para sa Kabuhayan Tungo sa Kaunlaran.”
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
