KASADO NA | Unity Walk, Prayer Rally kag Peace Covenant Signing sang mga kandidato sa 2019 midterm election, igapatigayon sa maabot nga Enero 13!

50

Roxas City, Capiz – Isa ka Unity Walk, Prayer Rally Pace Covenant Signing ang igapatigayon sa maabot nga adlaw sang Domingo Enero 13, 2019 sa Provincial Capitol kag Metropilitan Cathedral.
Ini ang may kaangut sa adbokasiya sang Comelec para sa isa ka malinong kag patas nga eleksyon sa Mayo 2019.
Maga-umpisa ang nasambitan nga aktibidad pinaage sa unity walk halin sa Provincial Capitol padulong sa Roxas City Cathedral kun sa diin igapatigayon ang misa alas 7:30 ang takna sa aga.
Pagkatapos sini igapatigayon ang peace covenant signing sa tunga sang mga kandidato nga nagapadalagan sa mga lokal nga posisyon sa Roxas city kag probinsya sang Capiz. Maluwas sa Comelec, ang nasambitan nga aktibidad ang saksihan sang PNP, AFP, mga katapo sang media kag election watchdog nga Parish Pastoral Council for Responsible Voting (PPCRV).
[file photo]

Facebook Comments