4 ka panimalay gilamoy sa kalayo sa sunog sa Barangay Mahayahay

42

Ugdaw ang upat ka mga panimalay human sa nahitabong sunog kaganinang  alas 4 kapin kun kulang ang takna sa hapon sa may Purok Bagong Lipunan Barangay Mahayahay ning dakbayan sa Iligan.

Maoy nasunog ang panimalay ni Retired  P/SINSP Reo Flores diin apil usab ang panimalay ni Sultan Rene Batan, Omar Baser ug ni Madra Limpao.

Usa usab ka residente ang daling gidala sa balay tambalanan human kini makuyapan.

Sumala ni ni SFO1 Rene Boy Maglangit sa Bureau of fire Protection, nga padayon ang ilang gihimong imbestigasyon labot sa maong sunog diin sa initial nga pag susi sa kabomberohan, posibleng faulty electrical wire ang hinungdan sa kalayo.

Gumikan usab sa kagamay sa dalan sa maong lugar maong naglisod ug sulod ang kabomberohan.

Gibana-banang mukabat sa kapin kun kulang three hundred thousand pesos ang damyos sa sunog diin gisaka kini sa third alarm.

Walay casualty o nasamdan o kaha napaso atol sa maong panghitabo.

Ang mga apektadong residente anaa karon nahimutang sa Barangay Gym sa Mahayahay.

Facebook Comments