Davao City – Igo na lang sa pagpatala ngadto sa Talomo Police Station ang usa ka Inahan nga si alyas Vilma, 54 anyos nga taga Nueva Ecija sa dihang nabalaka kini nga basin dili mahinayon ang kasal sa iyang bugtong anak nga lalaki nga dunay pangasaw-unon nga taga Davao City.
Sumala pa sa complainant nga sa dihang mianhi siya sa siyudad aron i-arrange ang kasal sa iyang anak gani andam na ang tanan sama sa venue, sinina pangkasal, ang mga pagkaon, bayad sa simbahan apan posible matud pa kining di madayun gumikan nausab ang huna huna sa amahan sa bride nga si alyas Tolits nga taga Magallanes ning dakbayan.
Subay sa saysay sa complainant base sa natalang report sa kapulisan nga buot sa side sa bride nga ipa-apil og gasto sa side sa groom ang plete sa mga paryente niini nga gikan pa sa laing dapit.
Tungod niini, nabalaka ang side sa lalaki sa dihang migasto na sila ug dul-an 50 mil ka pesos alang sa maong selebrasyon.
RadyoMaN Paul Canono
