Bihar, India- Nahimong kahibulungan ang usa ka kasalan sa nasud India human nga misaad ang 150 ka mga bisita nga ilahang ihatag ang ilahang mga organ sa panahon nga sila mamatay.
Gihimo kini sa mga bisita sa kasal ni Utkarsh Modi, ang kamagulangang anak ni deputy chief minister Sushi Kumar Modi nga taga Bihar.
Sa usa ka seremonya nga gihimo sa Bihar Veterinary College ground, giwala usab sa magtiayon ang ‘band, baja, baraat, og inay nga ‘anti-dowry’ nga kanta ang gipatukar kon diin 350 ka mga tawo ang misaad nga ikasal ang ilahang mga anak ang wala’y pagakuhaon nga dowry.
Aduna usab kiosks sa may Dadhichi Deh Daan Samiti, usa ka body og organ donation organization nga ginasuportahan ni Sushi Modi.
Miabot sa 150 ka mga tawo ang mipirma nga ilahang ihatag ang ilahang mga organ sa panahon nga sila mamatay.
