Giisip sa grupong Kahugpungan sa mga Lumadnong Organisasyon (KASALO- Caraga) nga grabe nga pagpanglutos ang nasinatian karon sa katawhang lumad sa Caraga ubos sa Martial law sa Mindanao.
Kini tungod sa walay hunong nga military operation sa rehiyon, nag-una sa mga kominidad sa mga lumad ug mag-uuma nga nibunga matud pa sa kaylap nga kalapasan sa tawhanong katungod.
Alegasyun nga hugot nga gipangulipas sa military ug sumala pa tipik lamang kini sa propaganda sa mga militante. Ang kasundaluhan ang sumala pa nagtamod sa katungod sa matag Lumad ug mga sibilyan sa kumunidad.
Gipasiatab sa Kasalo – Caraga nga tanan kini gihimo aron mawala ang babag alang sa padayon nga operasyon sa 23 ka mga dagkong minahan sa nickel, chromite ug gold ug pagsulod sa 15 ka mga minahan sa coal, pagpalapad sa mga plantasyon sa saging ug oil palm ug uban pang mga proyektong makadaut sa yutang kabilin.
Padayon sab nga gisingit sa grupo nga ihunong ang Martial Law sa Mindanao!
Sa pikas bahin, Milungtad sa napulo ka minuto ang ingkwentro alas syete kaganinang buntag sa mga miyembro sa Front Committee 16A sa NPA tali na sa tropa sa 29th Infantry Battalion, Phil. Army didto sa Sitio Ancili of Brgy. Bangayan, Kitcharao, Agusan del Norte.
Madumduman nga nagsugod ang pagbakwit kagahapon sa hapon diin sa ulahing report sa 402nd Brigade Phil. Army pinaagi ni Capt. Al Anthony Pueblas, miabot ngadto na sa 48 ka pamilya ang nagbakwit sa lugar.
Una na niini namahayag si Col. Aynera nga nigawas na pod ang taktika sa mga NPA nga kung adunay engkwentro sa tropa batok sa military ila gilayung pabakwiton ang mga residenting lumad.
file photo grabbed from kasalo fb account
