Davao City – Mapasalamaton ang mga estudyante sa University of Southeastern Philippines College of Development Management (USEP) Mintal Campus sa nagmalampuson nga Kasamang Yano Sports Festival 2018.
Sumala ni Princess Loren Dompor, secretary sa Mintal Council of Clubs and Organization sa USEP Mintal, dili magmalampuson matud pa ang maong aktibidad kung wala sila nakig-partner sa DXDC RMN Davao.
“Salamat pud kaayo sa inyuha kay dili mag malampuson ang maong aktibidad kung dili tungod sa inyung tabang. Sa tanang Staff sa RMN in behalf sa Usep Mintal ug sa MinCCO buot namong namong ipa abot ang among dakong kalipay ug kami mapasalamaton sa panahon nga inyong gihatag ug bisan sa hamubo nga panahon nagkahimama kita, salamat and more power #TATAKRMN,” sigun ni Dompor.
Dako matud pa ang ilang kalipay nga nakauban sulod sa duha ka adlaw ang DXDC, USEP Mintal staff ug mga estudyante nga nagkahiusa sa gihimong aktibidad diin dili lang ingon makalingaw apan aduna pud silay natun-an sama nalang sa gihimong forum nga gipangunahan sa Philippine Drug Enforcement Agency kun PDEA XI kabahin sa iligal nga droga ug ang radio reporting contest diin nahatagan sila og higayon nga mapakita usab ang ilang mga talento sa broadcasting.
Mapasalamaton usab ang DXDC sa mga estudyante sa ilang kooperasyon sa maong aktibidad nga adunay temang “Kabataan ilikay sa droga, isports pakusgan ta”.
Gani kagahapong adlawa, gihimo ang culmination night sa USEP Mintal gym diin nangharos og mga awards ang Pamulaan Cluster sa maong sportfest.
Gitunol sa DXDC RMN Davao ang tropeo ug cash prizes ngadto sa Pamulaan Cluster kinsa maoy gideklarang over-all champion sa tanang mga aktibidad.
Dugang niini, ang Academic and Interfrat cluster ang 1st runner-up, Ministry Cluster ang 2nd runner-up, 3rd runner up ang Culture and Arts ug 4 th runner-up ang Socio Civic Cluster.
Nidawat usab silang tanan og mga tropeyo, medalya ug cash prizes.
Subling nagpasalamat ang DXDC 621 RMN Davao sa USEP sa init nga pagdawat ug pagsuporta atol sa gipahigayong event.
RadyoMaN Renz Barbarona/RadyoMaN Aimee Guinita
