Walay himoong kalihukan ang kagamhanang lokal sa iligan alang sa ika-71 nga adlaw sa Iligan ugmang adlawa.
Gibutyag ni City Councilor Sorilie Bacsarpa ang chairman sa committee on tourism sa hawanan sa konseho nga gumikan sa padayon nga pagsaka sa kaso sa covid 19 ang rason sa pagkansela sa mga na-andan na untang mga kalihukan sa adlaw sa Iligan.
Matud ni Bacsarpa nga dili angay isakripisyo ang panglawas sa katawhan sa iligan nga posibleng mataptan sa virus nga dala sa covid 19 gumikan lang sa mga kalihukan sa adlaw sa Iligan.
Nanghinaut nalang si Bacsarpa isip kabahin sa iyang mensahe sa adlaw sa iligan nga mamahimong luwas ang tanang iliganon ug layo kanunay sa mga sakit aron magpabilin ang maayong dagan sa ilang pagpanginabuhi taliwala niining pandemic sa Covid 19.
