Kasaulugan sa Munato Festival, nahimong Generally Peaceful-PNP

5

General Santos City–Nahimong nagmalinawon ang selebrasyon sa Munato Festival sa Sarangani Province, kini ang gipasigarbo ni Police Supt. Teody Condesa, ang tigpamaba sa Sarangani Provincial Police Office.

Sumala sa opisyal nga walay dinagkong insidenti nga natigayon atol sa selebrasyon sa 16th Munato Festival ug 26th Year Founding Anniversary sa Sarangani Province.

Kini gumikan matud pa sa pagtinabangay sa tanang sector nga miresulta sa masadyaong selebrasyo nga nagsugod niadtong Nobyembre 28 ug nahuman niadtong Disyembre 1.

Dugang pagbutyag ni Police Supt. Teody Condesa nga dako ang nahimong tabang sa kapulisan, militar ug ubang ang force multipliers mao nga nahimong hapsay ug malinawon ang maong selebrasyon.

Tungod niini dako ang pagpasalamat ni Condesa sa tanang mitabang ngadto sa kapulisan ug militar hilabi na sa pagbantay sa seguridad sa katawhan nga naglulinghayaw dungan sa selebrasyon.

Facebook Comments