Davao City – Mireklamo sa San Pedro PNP ang usa ka 47 anyos nga ginang nga si Marsamlo Nida, nagpuyo sa Brgy. 6-A Malvar ning siyudad, mahitungod sa usa ka reckless nga PUJ driver.
Sumala sa complainant, kuyog silang misakay sa iyang anak sa maong jeep bandang alas-6:30 kagabii sa dihang pag-abot nila sa dalang Ponciano kalit miuntol ang ilang sakyanan human nabundol kini sa wala matino nga debris hinungdan sa pagkahulog sa iyang anak sa flooring sa PUJ ug maayong pagkabunal sa ulo nga nakahiagom og bukol.
Matud sa inahan, conscious ang biktima human nabunal ang ulo niini mao nga gipalampas lang usab sa complainant ang panghitabo.
Pipila ka oras, kalit gikalintura iyang anak hinungdan nga nabalaka pag-ayo ang complainant ug gilayon nagpatala sa insidente sa San Pedro PNP gumikan kun adunay mahitabong kausaban sa panglawas sa iyang anak kinahanglan nga manubag ang driver sa maong jeep.
RadyoMaN Paul Canono
