Dili kombinsido si City Councilor Atty. John Gil Unay sa gibutyag sa Periodista nga si Salvador Buds Cupin nga dili politically motivated ang pagpasaka niini ug kasong graft sa Ombudsman batok ni Mayor Ronnievic Lagnada, Vice Mayor Joboy Aquino ug mga sakop sa Sangguniang Panlungsod ning syudad sa Butuan.
Sigun ni Atty. Unay nga kwestyonable ang timing sa pagpasaka ug kaso ni Cupin karon nga nagsingabot ang 2019 midterm elections. Nagtoo si Konsehal Unay nga adunay nagpaluyu nga pulitiko sa nasangpit nga lakang ni Cupin.
Niya pa nga nakabasi sa “act of omission” ang gibasihan sa kaso ni Cupin tungod sa alegasyon nga gipasagdan ang 253 milyon pesos nga proyektong Polysports complex sa brgy. Tiniwisan ning syudad ug ang wala pagpagamit niini.
Dugang pa sa opisyal nga ubos sa balaod sa graft, kinahanglan adunay “act of commission” sa krimen ug dili mobarog ang “act of omission” lamang ug gihulagway nga suntok sa buwan ang maong kaso.
Sent from my Samsung Galaxy smartphone.
