Madugayan pa suno kay OIC Provincial Legal Officer Marnito Cosep nga maresolve ang kaso nga ginsang-at sang Sagitarrius Mines Incorporated ukon SMI kag tribal groups sa banwa sang Tampakan batok sa provincial government sang South Cotabato angot sa petition sini nga paglift sang open pit mining ban nga nabalhag sa Section 22 sang Environment Code.
Suno kay Atty. Cosep ini tungod sang Agosto 22 nga hearing ang may-angot pa lamang sa motion for inhibition sang grupo batok kay Judge Vicenti Peña, Presiding Judge sang RTC Branch 24 ang gintalakay tungod sa isyu sang bias kag sa bulan pa sang Oktubre i-resolve suno pa ang nasambit nga isyu.
Sa subong wala pa natandog suno kay Atty. Cosep ang Section 22 nga ginakwestyon sang SMI kag tribal groups nga nga indi suno pa sakop sini ukon wala sang authority ukon jurisdiction ang LGU sa large scale mining.
May-angot sini, tubtob wala sang desisyon ang korte nagapabilin nga constitutional ang pagban sang open pit mining sa probinsya kag may nagaexister man nga memorandum order nga nagaban sang open pit mining sa bug-os nga pungsod nga wala pa man suno pa nalift.
Nahibaluan nga nagmanifest sang nagligad nga semana nila nga regular session si Board Member Ester Marin Catorce angot sa wala suno pa sila ginpabalo sa status sang ginfile nga kaso batok sa provincial government angot sa isyu sang pagban sang open pit mining method sa probinsya amo nga naghingyo siya nga i-update sila sang Provincial Legal Office.
