General Santos City—hingpit nang gibasura sa Regional Trial Court (RTC) Branch 39 ang kasong illegal possession of firearms nga una nang gipasang-at batok ngadto Kang Barangay Poblacion, Polomolok Kapitan ug South Cotabato ABC President Vicente Yungco Jr.
Nasayran nga mismong si Kapitan Yungco ang nagkumperma nga hingpit nang nabasura ang kasong gipasang-at kaniya sa kapulisan. Ang pagbasura matud pa sa kaso usa ka timailhan nga siya enosente ug walay gihimong dautan, pamatuod sab kini nga adunay sayop sa gihimong ronda sa kapulisan sa panimalay niini sa Barangay Poblacion niadtong Oktobre 9, 2016.
Kahinumduman nga una nang nakakuha ug caliber 9mm nga pistola ug 12 gauge shotgun ang kapulisan sa panimalay ni Yungco apan sumala pa ang maong mga armas isyu kanila sa lokal nga panggamhanan sa probinsya sa South Cotabato partikular gikan sa buhatan ni Governor Daisy Fuentes.
Una nang gikundina sa nasangpit nga opisyal ang gihimong ronda sa panimalay niini kansa nakamugna matud pa ug kahadlok sa iyang pamilya hilabi na sa iyang mga anak.
