General Santos City— Gi-dismiss sa korte ang kasong pagsupak sa R.A 9165 nga gi-atubang ni Brgy. Tambler kapitan Abdul Wahid Bualan human nga gi-ronda sa PDEA 12 ang panimalay niini milabay’ng tuig.
Sumala kang Atty. Jose Edmar Yumang, abogado sa nasangpit nga kapitan nga gi-igo sa technicalities ang maong kaso human nga gihingusgan sa PDEA nga ilahang gipa-ilalom sa surveillance ang nasangpit nga kapitan apan ang nakabutang sa search warrant mao ang pangalan nga mohammad bualan.
Pamahayag niya nga nagsubmitar sila ug motion to quash ngadto na sa korte tulo kaadlaw human ang operasyon sa panimalay ni kapitan Bualan. Dugang pamahayag is Atty. Yumang nga lakip sa mga nakit-an niining kakulangon sa kabahin sa PDEA mao ang picture sa tindahan nga gi-applyan ug search warrant.
Kung asa gipang-iyahan matud pa kini sa usa ka Cleo Bualan ug nakadikit lang ang balay sa kapitan apan dili na matud pa kini mmahimong apilon sa raid gumikan wala man kini nabutang sa target. Pagpaklaro niya nga unsa man ang nakuha sa balay ni kapitan Bualan ang dili mamahimong gamiton nga ebidensya ug ang search warrant ang aduna usab limitasyon sa pagsulod sa panimalay.
Kalabot niini, gibutyag ni Atty. Yumang nga ang brach 55 sa regional trial court ang nag-dismiss sa kaso apan dili sa maong branch sila mipasang-at ug kaso batok sa operatiba sa pdea. Kahibaluan nga mipasaka usab ug kaso ang kampo ni kapitan bualan batok sa kampo ni kanhing pdea 12 director gil castro ug kasong roberry, planting of evidence ug uban pa.
Sa karon matud pa nakatakda nilang i-submitar sa ombudsman ang desisyon sa korte kabahin sa pag-dismiss sa kaso ni kapitan bualan.
