Kaso ni South Cotabato ABC President Yungco sa nakuha nga armas luthang sang ginraid ang puluy-an, dismiss na.

Dismiss na ang kaso nga ginpasaka batok sa iya suno kay South Cotabato Association of Barangay Captain President Vicenti Yungco tungod nakit-an nga wala man sang basehan, matapos nga makuhaan sang armas luthang nga ginapanag-iyahan man sang Provincial Government sa ginpatigayon nga raid sadto anay sa iya sang PNP Region 12.
Madumduman nga ginpatigayunan sang raid si Yungco tungod sa aligasyon nga imbolbado ini sa illegal drugs kag nagahupot sang iligal nga armas luthang, apang ang nakuha sa iya armas luthang lang nga gin-isyu sang provincial government.
Samtang gin-ako niya nga nakatuga gid sang trauma ang natabo sa iya tungod madamo ang naapektuhan.
Sa subong suno kay Board Member Yungco ginaasikaso na sang provincial government paagi sa legal office sini ang pagbawi sang ginkumpiskar nga armas luthang sang kapulisan.